黑瀧板蕎麥專門店 (Closed)

以前呢,對蕎麥麵真係冇多大興趣,自從有次出差係日本食左個冷蕎麥麵,就留有好印象~近日天氣熱,除左壽司之外,食個冷蕎麥麵都幾爽,兼夾之前去丼吉食飯送左張coupon(同屬pokka系),就一於擇日去新開冇耐既黑瀧喇~吉列芝士、蘆筍、梅子豬肉卷蕎麥麵定食(個名好長)~咁既陣容百幾蚊,都算係交足課了~呢度蕎麥麵分好多種,包括更科、田舍、知床同最高級別既江丹別~食定食的話,如果冇特別要求,佢都會供應更科,更科係選用精製度較高既蕎麥粉,據稱較爽滑~要食首先要撩鬆d麵,因為都有少少結成餅狀~麵質質感尚算爽滑,但蕎麥香味欠奉,~醬汁亦偏淡,wasabi,薑同埋蔥亦少得可憐(要追加),唯一讚賞係d汁都幾夠凍,還可以勉強叫做冷麵~再睇配菜~因為同丼吉同系,食炸豬柳之類實屬穩陣之選~芝士同蘆筍跟豬肉卷味道幾夾,外皮好鬆脆,豬肉仲幾嫩滑,只係梅子味就怪怪地,又酸又鹹,最後要挑走佢先食豬肉卷~炸豬柳蕎麥麵定食~炸豬柳好大舊,又冇切開,不過都算juicy~食到最後,侍應會送上一壺柚子熱湯,可以倒入soba醬汁內飲用,試左一啖,好怪,怪到唔知點形容,所以放棄了~