芝味鳥 (Closed)

當仍然分不清脆意雞、芝脆鷄定脆味批有何分別外，又多一間芝味鳥，此店位置之前上一手是賣粉麵的，雖然唔好食，但都營業了7年，芝味鳥又是主打外賣薄餅、焗飯、意粉、炸物，亦有堂食位置，點了開心套餐($36)，有薄餅一件、炸雞一件、炸薯王、麥樂鷄兩件及汽水。以$36而言，單看賣相幾吸引，今日薄餅為夏威夷，是一件厚批，上面佈滿菠蘿、火腿、芝士、洋蔥，是足料的，但是焗得不夠火喉，批身算鬆化；炸鷄是鷄槌，外皮炸得好脆又香口，雞槌肉不會鞋身，不錯；炸薯王，有5-6件，炸得好乾身又不會過油，好食；麥樂鷄，炸得不夠香口，裏面肉質好削。整體以言，炸物算做得不錯，注意取餐具全部是自助的。