Wing It! (Closed)

聽朋友講銅鑼灣利園呢頭開咗間專食雞翼嘅舖，好似仲話幾有特色嘅，所以收工就過去一試，位置幾方便，而且個招牌好sharp，離遠已經見到。入到去，店內以黃、白色為主調，風格好美式，而點餐係自助形式，先去counter點餐、付款，然後店員會幫手拎食物去位。嚟到梗係主要食雞翼，有得選擇4/8/24隻，而雞翼可以揀脆皮或者原味，口味加醬料有成廿幾個選擇咁多，但係心思思嘅朋友唔需要係落單嘅時候揀定，因為所有醬都係自行on top加上去，唔洗落單嘅時候叫嘅。wing it水牛：味道偏辣，帶酸。甜香蒜味：蒜味、咸味重，重口味之選。藍芝士醬：臭得嚟好香。田園醬：好清新、唔膩嘅沙律醬。另外，叫咗炸芝士條，芝士拉絲力超強，而且炸得好香脆，配合芝士咸香，非常惹味，必叫！最後，唔係幾夠飽叫埋薯條，估唔到份量咁多，仲要係即炸嘅，好香脆。