越北牛肉粉專門店 (Closed)

天氣涼左，喜愛吃湯粉🍜暖暖胃，早前去將軍澳搞啲嘢，咁啱又未食飯，經過呢度就入咗去，原來有下午茶😋，佢哋有個口號「越級挑戰，份量不變」，又的確係喎，下午茶價錢之餘份量都唔少👍嚟到牛肉粉專門店，當然係食牛肉🥩湯粉，所以order咗個越北綜合牛肉湯河粉，生牛肉配上熱湯，半生熟嘅牛肉入口即溶嘅感覺🤤；牛腩片係另一種感覺，多一點牛嘅味道，需要咀嚼多一點，但唔韌；牛肉丸就非常彈口🐂另外我加咗個都係必食嘅炸蝦餅🦐，上枱熱辣辣，唔係整定架（呢個要加分❤️），配上我最愛嘅酸甜辣醬，好好味😋跟餐order咗杯暖笠笠嘅蜂蜜🐝玫瑰🌹柚子茶，好滿足溫暖嘅一餐☺️