熾工房 (Closed)

熾工房其實已經係我wishlist上面好耐，只係長洲同西環都唔太就腳，今晚的起心肝黎到，驚為天人，恨我太遲先黎，絕對會一吃成主顧。滋味脆雞餐 ($66)比期望以上好食好多，弱弱一句其實覺得炸雞界黎講jolibee算好食，但呢度再高幾皮，新鮮炸起熱辣辣，香脆乾爽唔油膩。 戴住手套炸雞熱到辣手，重點係雞肉有輕輕調味，嫩滑有肉汁，唔靠醬汁其實都夠好味。值得一讚個薯條真心幾正，同出名嘅漢堡店比都有過之而無不及，食到薯仔質感同薯香，外脆內軟。 濃郁嘅黑松露醬同薯條好夾，但點炸雞就冇加分感覺，睇返menu個是拉差醬似牧羊少年配雞翼個款，下次揀是拉差醬應該開心啲。雖然加幾蚊可轉蘑菇飯，但薯條同飯都想試，決定單點個飯 ($28)。 欣賞所有野食熱度都好夠出哂煙咁，蘑菇飯醬汁直頭好似蘑菇湯咁濃，奶油味、香草同菇好香，大量菇片好足料。 因為個餐好大份飽肚，其實正常食量嘅男仔都好夠飽，同朋友一致決定下次揀薯條就夠哂。