Pizza Maru (荃新天地)

Open Now

Now Closed

今日去左荃灣行街，終於試到呢間傳說中既Pizza Maru，仲記得上次專誠去朗豪坊食佢，但因為佢啲爐壞左，咁即係少左選擇啦。今次喺荃灣發現佢，就嗱嗱聲排定隊等食喇。我地一行四人，咁就可以試多啲野啦。手工泡菜芝士波內陷由車打芝士、泡菜、洋蔥等混合而成。咬落去外層香脆，芝士同泡菜既味道同樣突出，配合埋濃濃既芝士醬，作為一餐既開端，十分開胃。韓風蟹肉塔一如以往，有蟹肉既食物我都係會叫既，今次都唔例外。蟹肉塔除左有蟹肉，仲有牛油果、椰菜等，配合埋黑米烤簿餅，將蟹肉塞滿然後一啖咬落去，既食到簿餅既香，亦食到蟹肉既鮮味，真係一流。韓燒烤肉波菜意大利飯由牛小排、菠菜、青豆、杏鮑菇、黑松露醬等製成，青豆可能相對較多同硬，令到成個飯口感有啲朁口，另外牛小排就烤得太熟，食落去太過韌。半半炸雞：芝士秘制炸雞。蜂蜜牛油秘制炸雞炸雞鬆脆香口，而且雞肉嫩滑（除左一兩件較鞋之外），配上蜜糖牛油粉末甜甜地又有牛油既香味。而配上芝士粉亦都口味香濃，亦有啲啲重口味。個人就偏向蜂蜜牛油味好食啲。泡菜海灣芝加哥（蜜糖杏仁邊）裡面有鮮蝦、蟹柳、菠蘿、粟米、燈籠椒、牧場醬、泡菜蛋黃醬、馬蘇里拉芝士等，口感非常豐富同有層次，而且芝