Sodam Chicken (Closed)

紫菜卷芝士波波拼盤 ($88)呢個拼盤全部都係炸得香口既小食，
紫菜卷沾上炸粉，炸得脆口，裡面有粉絲增加口感。
芝士波波炸得金黃色，裡面有mozzarella cheese，鹹香煙韌，好正呢。
薯條就比較遜色，炸得乾身又比較硬。但整體都幾香口，炸雞外既小食好選擇。蜜糖芥末香蔥炸雞 ($188)蜜糖芥末味炸雞比較少見，炸雞份量超足，有成十幾件，足三四人食。
件件炸雞都新鮮炸起，熱辣辣噴哂煙好吸引，
每一舊都炸到香噴噴，脆口好惹味。雞脾肉肉質好嫩滑，加上香脆炸皮係一流。其他都係雞胸位，啖啖肉但略嫌鞋口左啲。
蜜糖香甜但芥末味略淡。但蜜糖芥末醬汁有啲太少，要點盤底既醬先夠食。
不過整體好惹味，份量亦好足。芝士白汁年糕 ($120)煮得好軟身既年糕，
配上濃郁白汁湯底，忌廉味好香濃，質地亦好杰身好掛得住汁；
芝士味亦香口。整體超邪惡好正，好飽都係咁食。