Sodam Chicken (Closed)

月底將有多位親友到港，週四晚就親有空盡量見多情人幾面，與其閨密三人行，一訪韓國連鎖店「Sodam Chicken」，食炸雞之餘，仲試埋季節限定o既芝士火鍋。餐店簡潔企理冷氣足，樓底又唔矮，入夜後開始人多都唔覺嘈吵。半梳化式散座寬闊舒適。等待兩位靚女到步時，XO仔當然係要先啤一啤佢啦！女伴均為芝士迷，亦一早立心要食芝士鍋，姐姐仔亦好有心機地講解三人應該點份量及食材較豐富o既「特級芝士火鍋」。小肥一向唔係咁鍾意食「士」，所以就叫咗客「蜜糖芥末香蔥炸雞」襯托返杯啤酒。蜜糖芥末香蔥炸雞（$188）：炸雞成座小山丘咁高，賣相已爆哂燈。炸雞件皮層鬆脆香口，雞肉軟嫩且肉汁豐盛，以甜甜o既蜜糖芥末調味點綴已夠可口美味，伴上蔥絲食更添上多份惹味，超正！特級芝士火鍋（$278）：大家要留意，因所有食材都要預先煮熟，芝士火鍋需時製作。以多款芝士溝製o既芝士鍋底一路都有蠟燭保溫，仲可免費添加一次。六款鍋料以拼盤呈上，另加農夫包粒一籃。小弟未玩過芝士火鍋，影完相就將啲年糕放哂入個芝鍋入面諗住滾熱佢啦，哈哈，結果就俾甜心兒教訓咗一頓。年糕煙韌軟熟，輕巧討好。紅卜卜o既車厘茄爽脆多汁。伴上芝醬o既黃金炸薯條香口脆潤