快樂蜂 (新基商業中心)

Open Now

Now Closed

想食下炸雞，但好似成日都去麥記肯德基，見快樂蜂成日都咁多人，澳洲又無，所以試下呢間。佢同kfc一樣都有蘑菇飯，不過想試下新野，就叫左個意粉套餐。飲品比我𥄫到收銀員後面有菠蘿汁，所以又叫來試試。Btw大部分員工都係南亞裔，所以要講英文，見到個香港人經理行開左之後，有幾個香港人都唔敢叫餐其實多練習咪得！講翻正題，食物嗰方面，又無想像中咁好味，d人又話正過kfc快餐店整既意粉肯定唔會al dente，有點兒淋，個汁以為係茄汁點知似甜酸汁，腸仔又多澱粉，唔多好食。雞上肶炸到有d乾同鞋口，好彩雞下肶滑d好味d又入味d。成個餐唔算好平，個菠蘿汁味道仲同罐頭菠蘿一樣不過快餐店就求其一餐啦。