韓家韓國料理 (Closed)

呢幢大廈開咗之後都有幾次過嚟搵食，上次食咗個台灣野，今次試吓韓國嘢啦。喺門口出邊見到佢有90分鐘炸雞任食，不過真係怕太熱氣所以都係叫返其他韓國菜式。前菜。叫了泡菜豬肉飯，使用五花腩片，肥瘦均勻，肉質唔會太乾又有咬口配上微辣爽脆泡菜，送飯一流，應該可以食到三碗飯。炸雞叫咗蜜糖牛油味，一疊有四件，雞既size好平均亦算大舊，炸粉唔厚，咬落好多肉汁，啖啖肉。醬汁味道剛剛好，唔會太濃而蓋過雞本身既鮮味。嫩豆腐湯配雜菜，豆腐配上熱辣辣既湯係絕配，湯辣度剛剛好，雜菜好多，唔會話煮到爛果種，保留菜既爽脆口感。