Video
Read full review
2023-07-27
25 views
之前喺中環試過一次京川菜之後就好想再試吓食呢啲香辣串燒，今次搵到尖沙咀呢一間大樹燒烤。同樣都係以自助形式畫紙仔剔想食嘅嘢落單，而且可以比你的小辣點鐘呀定係大啦，我哋兩個唔太好辣野，所以小辣已經好夠啦。鹵烤雞架($48): 好似辣子雞咁，但係就冇咗所有辣椒，見到上面沈左辣椒粉，但係略嫌有啲太多，太overpowering。完全食唔到雞嘅味道🤔大樹燒全翼($23): 燒到外皮脆脆咁樣好正，所有食物上枱時都會擺喺熱爐上邊，唔怕食完一樣其他會凍晒。燒雞中翼($20): 一串有兩隻，但係自己較鍾意全翼多啲，就咁食雞中翼好似唔係好夠喉。岩鹽安格斯($68):呢個係比較失望嘅，上菜嘅時候一碟得幾塊，而且切得好薄身，係有少少鹽味嘅，但係唔係好夠熱，本身諗住擺落熱爐嗰度坐熱佢，但係咁樣又會變得好韌…所以都係快快脆脆食咗佢就算。五花肉蟹柳卷($28): 正正常常，就係五花肉包着蟹柳，但係熱辣辣係幾好食嘅。鮮烤白鱔($48):比想像中大嚿，一串有一嚿長嘅，烤得好脆，而且冇因為調味料而蓋過咗魚味，值得推介。燒翠玉瓜($16)，燒四季豆($16): 正正常常冇乜特別。粒粒粟米串($28): 呢個反而好有驚喜，記
鹵烤雞架($48): 好似辣子雞咁，但係就冇咗所有辣椒，見到上面沈左辣椒粉，但係略嫌有啲太多，太overpowering。完全食唔到雞嘅味道🤔
大樹燒全翼($23): 燒到外皮脆脆咁樣好正，所有食物上枱時都會擺喺熱爐上邊，唔怕食完一樣其他會凍晒。
燒雞中翼($20): 一串有兩隻，但係自己較鍾意全翼多啲，就咁食雞中翼好似唔係好夠喉。
岩鹽安格斯($68):呢個係比較失望嘅，上菜嘅時候一碟得幾塊，而且切得好薄身，係有少少鹽味嘅，但係唔係好夠熱，本身諗住擺落熱爐嗰度坐熱佢，但係咁樣又會變得好韌…所以都係快快脆脆食咗佢就算。
五花肉蟹柳卷($28): 正正常常，就係五花肉包着蟹柳，但係熱辣辣係幾好食嘅。
鮮烤白鱔($48):比想像中大嚿，一串有一嚿長嘅，烤得好脆，而且冇因為調味料而蓋過咗魚味，值得推介。
燒翠玉瓜($16)，燒四季豆($16): 正正常常冇乜特別。
粒粒粟米串($28): 呢個反而好有驚喜，記得以前去大陸食嗰啲粟米係好煙韌嘅，印象中好似有一種叫做糯米粟，呢一次食到嘅正正就係好似糯米粟咁嘅口感。有10吋，每一寸都係逐粒逐粒咁樣穿上竹籤，加埋啲孜然粉真係好正!!
蒜香豆腐皮($22): 係一塊大嘅豆腐皮包住蒜蓉同埋蔥，鍾意食蒜蓉嘅朋友，千祈唔好錯過。
避風塘魷魚($48): 雖然主角係串燒，但係反而呢啲小食都煮得幾好。呢個避風塘魷魚好夠味鹹鹹地，再加上脆脆地，好開胃，送酒一流。
炸雞薯片($38): 呢個真係第一次食，本身諗住係一片好薄好薄嘅麥樂雞咁，但係反而真係有炸雞嘅質感，係真嘅雞片，切得好薄再拎去炸，再加上甜辣醬，好特別!
總結：其實落單之前待應已經將個爐烘熱左，有幾次都係完全唔記得啲嘢係仲係熱嘅情況之下，就咁食落口，爭啲辣親個咀😂個人覺得調味好重要，呢度就充分發展咗調味料嘅作用，每一串都好惹味，但係間中都要飲幾啖水黎你平衡返，自己覺得好適合一大班朋友傾偈，過一晚豪邁嘅一夜！
Post
