CHIMAC (德福廣場2期) (Closed)

餐廳位於九龍灣德福二期，無印良品樓上既food court.入到門口轉右就會見到呢一間餐廳。我叫嘅係芝士炸雞配卡邦尼意粉。飲品個方面有檸檬茶同汽水兩個類別。睇落去似係檸檬茶太好賣啦！所以我唯有飲可樂。叫早餐之後，唔需要我等好耐，大概10分鐘左右就有得食。芝士炸雞上面沾滿晒芝士粉，因為我揀咗無骨雞所以咬落去啖啖都係肉。肉汁一咬即刻彈出嚟，好juicy. 一啖雞一啖意粉，滋味真係非常配合。意粉要自己撈勻先至好食。意粉上面本身都有少少芝士粉所以如果撈得唔勻嘅話呢系好容易食到顆粒感。意粉入面仲有好多嘅煙肉同埋蘑菇。意粉軟硬適中，唔算粗身。配炸雞嚟食係相當特別嘅一種食法。講真，以$65嘅價格來講算係值回票價，性價比好高。