三多炸肶 (Closed)

是日午餐，由於假日實在太多車，揸車出元朗簡直就係受罪，搵到個吉位就即刻放低架車喺附近食，所以就決定試下三多嘅套餐！95個大洋，兩隻炸髀，一份豉油肉醉炒腸粉，兩罐汽水，價錢合理👍🏻出名在食炸雞髀嘅三多，隻炸髀事實上係好正，皮脆肉嫩，肉汁多，啖啖肉，落咗少少辣粉，配合得非常之好！不過謹記，剛剛炸起時十分熱，大家食時就小心！至於份腸粉，帶點微辣，配料有肉碎同芽菜，食落都唔錯！個人意見就加點蔥花應該會更香同惹味😋等候時間大約10分鐘，不過之後越嚟越多人，見到後面有人要等20分鐘左右，好彩嚟得早。