一粥麵 (MOSTown新港城中心(4期))

Open Now

Now Closed

好少去一粥麵食，成日以為得粥同埋雲吞麵食，點知原來有好多選擇。今次去食下午茶，除咗有粥，麵之外，仲有好多下午茶套餐，同埋懷舊小食。俾我見到依家好少有既炸髀 + 紅豆冰 既組合，真係童年回憶，即刻試下。佢既炸髀變咗做生炸無骨雞髀，有啲似炸雞扒，不過都好香脆，同埋份量唔細。紅豆冰就正正常常，不過唔使加錢，已經好難得。套餐仲有頭抽撈粗，十分飽肚，不過就冇其他配料。成個下午茶組合 - 生炸無骨雞髀 + 頭抽撈粗 + 紅豆冰，加埋都係 $38，真係性價比十足。