Video
Read full review
2018-07-08
190 views
今日黎左RBTea食下午茶，其實幾年前我都黎食過一次，當時感覺普普通通，唔太抵食，所以一直未有再次光顧，事隔幾年，今日行行下又諗唔到有咩好野食，於是上左黎試第二次，不過食物質素感覺係比第一次好既：）佢係台式既茶座，要自己用落單紙tick好想order既食物，再去櫃檯比錢落單既，講真我其實並唔喜歡咁樣既落單方式，又要排隊，又慢又麻煩，下下用落單紙仲好唔環保其實我見當時都唔係好忙，可能因為人手不足嗎？同朋友岩岩入到黎既時候係無人執枱，無人接應，完全係一入黎就自己搵位自己坐坐底左一陣，就叫人過黎執枱，但張枱抹完都仲係好痴笠笠，不過算啦，都係想搵個坐得耐少少既地方食個下午茶姐，拿拿聲叫左兩個小食炸魚柳配薯角好味道～魚柳並非常見既吉列魚柳，因為佢唔係用麵包糠炸，而係改用粉漿炸的，少少酥脆我幾鐘意喎！入面既魚柳一啲都唔乾，都幾軟身又juicy，薯角上面灑上香草碎，配上蕃茄醬同沙律醬，蕃茄醬就無咩特別，我反而比較鐘意個沙律醬，唔會好酸，仲帶有啲香草既香味，食完成碟都唔覺好膩珍珠奶茶班戟一共三層既pancake，淋上奶茶味既醬汁，仲有彈牙既珍珠，pancake帶點微溫，鬆軟得黎入面帶點濕潤感，雖則醬汁
今日黎左RBTea食下午茶，其實幾年前我都黎食過一次，
當時感覺普普通通，唔太抵食，所以一直未有再次光顧，
事隔幾年，今日行行下又諗唔到有咩好野食，於是上左黎試第二次，
不過食物質素感覺係比第一次好既：）
佢係台式既茶座，要自己用落單紙tick好想order既食物，再去櫃檯比錢落單既，
講真我其實並唔喜歡咁樣既落單方式，又要排隊，又慢又麻煩，下下用落單紙仲好唔環保
其實我見當時都唔係好忙，可能因為人手不足嗎？
同朋友岩岩入到黎既時候係無人執枱，無人接應，
完全係一入黎就自己搵位自己坐
坐底左一陣，就叫人過黎執枱，但張枱抹完都仲係好痴笠笠，
不過算啦，都係想搵個坐得耐少少既地方食個下午茶姐，
拿拿聲叫左兩個小食
炸魚柳配薯角好味道～魚柳並非常見既吉列魚柳，因為佢唔係用麵包糠炸，
而係改用粉漿炸的，少少酥脆我幾鐘意喎！入面既魚柳一啲都唔乾，都幾軟身又juicy，
薯角上面灑上香草碎，配上蕃茄醬同沙律醬，蕃茄醬就無咩特別，
我反而比較鐘意個沙律醬，唔會好酸，仲帶有啲香草既香味，
食完成碟都唔覺好膩
珍珠奶茶班戟一共三層既pancake，淋上奶茶味既醬汁，仲有彈牙既珍珠，
pancake帶點微溫，鬆軟得黎入面帶點濕潤感，
雖則醬汁既奶茶味唔算話好濃，但對我黎講已經係剛剛好既程度，
不過真心建議快啲食，唔係個pancake會吸乾哂啲醬，非常影響口感同賣相……
店內環境其實都算幾靚，好多小擺設都幾可愛，雖然唔係話唔好食，但仍然覺得cp值唔算高，
依個價錢可以食到更滿足既美食
Post
