CHICKEN CHIKO

Open Now

Now Closed

呢間韓式餐廳嘅炸雞套餐真係冇得輸，4種口味各有千秋。首先要提嘅係芝士雪花炸雞，呢款炸雞真係為芝士控度身訂做。炸雞外皮脆卜卜，內裡多汁嫩滑，配埋啲芝士粉灑喺上面，食落去又香又濃，芝士味撲鼻而黎。🧀甜辣炸雞就最啱啲鐘意刺激口味嘅朋友。呢款炸雞既甜又辣，辣味係會後勁十足嗰隻，但因為有甜味中和，唔會辣到食唔到落口，反而係愈食愈有啲上癮嘅感覺。雞肉依然保持住佢嘅鮮嫩，辣醬同炸雞融合得啱啱好，令你每一口都充滿滋味。🌶️蔥蒜醬油炸雞係啲比較傳統但又唔失驚喜嘅口味。蔥蒜嘅味道濃郁得嚟又唔會過份搶戲，反而係襯托出雞肉本身嘅鮮味，醬油嘅鹹香令到成件炸雞更加入味。🧄最後係蜂蜜奶油炸雞，呢個炸雞係偏甜但唔會膩，奶油同蜜糖嘅香味係好自然，唔會過甜亦唔會過重，正好襯托出炸雞嘅香脆口感。🍯至於韓式炸醬麵，呢碗炸醬麵啱晒鍾意食濃味嘅朋友。炸醬香濃咸香，醬汁濃稠度適中，淋喺麵條上面每一條麵都吸晒醬汁嘅味道。呢度嘅麵條彈牙。🍜卡邦尼炒年糕就係韓式同意大利風味嘅完美結合。年糕嘅煙韌口感配埋卡邦尼醬嘅濃郁奶香，呢個組合意想不到咁好食。每條年糕都裹滿咗香濃嘅奶油醬汁，配埋啲煙肉碎更加香口。🍚辣炒豬肉紫菜飯卷真係夠晒香辣，呢款飯卷