Video
Read full review
2015-09-24
638 views
其實愛麗絲真係幾中意食韓國野，之前係網上見到Chibee Chicken & Beer既宣傳，睇到啲炸雞相就好想泥食下😂 呢一晚，終於可以同朋友泥潮聖😋Chibee Chicken & Beer呢間餐廳唔算大，愛麗絲同朋友約7pm去到，但都已滿座，服務員問我地坐Bar枱o唔ok，咁廢事等，所以就揀坐Bar枱喇。餐廳以暗既燈光為主，全程都會有電視播住Kpop既MV，係2NE1😆 坐係入面都幾嘈，有音樂又有人聲，但咁都幾熱鬧~ 愛麗絲同朋友爭扎左好耐叫咩食好😂 因為價錢都比較貴，好似炸雞咁，一客要約$168以上，最後，我地就叫左呢到最出名既忌廉羅勒炸雞丶泡菜薯條同卡邦尼年糕。首先係主角，忌廉羅勒炸雞，$178。睇相可以見到，有一盤炸雞，一小鍋忌廉羅勒汁，一直有蠟燭燒住，令個汁保持溫熱，仲有一碗沙律同紫色既漬物。先試個炸雞，雞肉好嫩，亦都炸得好好，唔會咬落口只有炸粉，而且雞上灑上啲調味粉，令雞味帶啲甜味同蒜香。之後點埋落個忌廉到試下，其實個忌廉就好似平時食意粉既香草汁，本人覺得點落炸雞上就唔會太夾，但味道又唔會話好難食，連埋汁食就唔會咁乾，但整個菜都係值得一試既👍🏻第二品嚐既就係泡菜薯條。薯
其實愛麗絲真係幾中意食韓國野，之前係網上見到Chibee Chicken & Beer既宣傳，睇到啲炸雞相就好想泥食下😂 呢一晚，終於可以同朋友泥潮聖😋
Chibee Chicken & Beer呢間餐廳唔算大，愛麗絲同朋友約7pm去到，但都已滿座，服務員問我地坐Bar枱o唔ok，咁廢事等，所以就揀坐Bar枱喇。餐廳以暗既燈光為主，全程都會有電視播住Kpop既MV，係2NE1😆 坐係入面都幾嘈，有音樂又有人聲，但咁都幾熱鬧~
愛麗絲同朋友爭扎左好耐叫咩食好😂 因為價錢都比較貴，好似炸雞咁，一客要約$168以上，最後，我地就叫左呢到最出名既忌廉羅勒炸雞丶泡菜薯條同卡邦尼年糕。
首先係主角，忌廉羅勒炸雞，$178。睇相可以見到，有一盤炸雞，一小鍋忌廉羅勒汁，一直有蠟燭燒住，令個汁保持溫熱，仲有一碗沙律同紫色既漬物。先試個炸雞，雞肉好嫩，亦都炸得好好，唔會咬落口只有炸粉，而且雞上灑上啲調味粉，令雞味帶啲甜味同蒜香。之後點埋落個忌廉到試下，其實個忌廉就好似平時食意粉既香草汁，本人覺得點落炸雞上就唔會太夾，但味道又唔會話好難食，連埋汁食就唔會咁乾，但整個菜都係值得一試既👍🏻
第二品嚐既就係泡菜薯條。薯條係用碟上既，份量都幾多，中間會有泡菜芝士醬，夾埋薯條食好正，不過食得耐就會有啲辣，但成道菜好香口，不過兩人share 食都覺得有啲多。
第三，就係卡邦尼年糕。首先，年糕本身比較硬，不過都接受到既。而個卡邦尼汁就偏鹹，比較少甜味，不過整體上係唔錯既。
總括，Chibee Chicken & Beer既菜式雖然價錢較高，平均$100-$150，但佢既份量係乎合價錢既，不過呢間餐廳就冇Book枱服務，所以如果大家想去食，又唔想等好耐位既，可能就要係non peak hour去食喇🙈
Post
