雞記潮州麵食

Open Now

Now Closed

27-7-2007為食朋友介紹呢度d 炸紫菜墨丸同墨魚餅, 就同另一為食朋友0黎試.叫了個炸紫菜墨丸撈粗(圖上)... 有甜甜0地0既黑豉油, 亦有爽口的超勁鹼水粗麵, d 麵好苦, 好難頂.炸紫菜墨丸就好得, 好彈牙, 加了紫菜香了好多, 仲少少一粒粒的墨魚肉.炸墨魚餅(圖下) 相比之下有d 失色, 不過一樣彈牙, 亦有墨魚味, 幾好食.另加了件奶油多同凍奶茶, 又唔錯喎, 幾驚喜.門口光猛新淨, 入面環境就幾up dup; 招呼都ok, d 伙計幾有禮貌.埋單約$30 一個頭, 抵食又好食(除了鹼水麵之外) 的一餐... 下次要試炸魚片頭!