唐記包點 (Closed)

附近有間咁抵食既唐記真係好🤣，今晚買左啲點心同蒸飯做晚餐，方便又夠平😝點心方面一律做緊$14，今次買左鮮竹卷、鵪鶉蛋燒賣同牛肉。鵪鶉蛋燒賣，豬肉餡調味幾足，裏面仲有幾隻鮮蝦，所以幾鮮味，加埋邪惡既鵪鶉蛋，估唔到味道唔錯喎。🤣鮮竹卷有三件，得得骰骰，中間有木耳、西芹、豬肉餡等，配上濃稠既醬汁。蒸飯仲會有每日特價既款式，都係講緊$17一個飯，真心平。當日既特價優惠係豉椒排骨飯，排骨幾入味唔係好肥，份量都足，而且仲有椰菜做配菜，食完好飽肚。當然唔少得K最愛既包包啦🤣黑麻蓉包黑芝麻味道超濃郁；糯米卷裏面既臘味味道好香，糯米飯口感又煙韌，配搭軟熟既包幾好味。