東小館 (天樂廣場) (Closed)

環境3分：正常樓上中餐廳格局，唔會好嘈，係等車立最耐，行樓梯又辛苦，畀佢三分。衛生4分：碗碟餐枱都好乾淨，D點心大部份都係逐位叫，一人一籠，衛生可以畀四分。服務3分：服務員唔多，但落單快，上菜快，清枱快，畀三分。味道2分：1)     香煎蘿蔔糕個味幾濃幾香口。2)     招牌蝦餃皇正常爽甜熱辣好食。3)     大隻蟹皇燒賣色水靚但就好淋唔爽口。4)     露筍帶子餃層皮好厚仲好黐牙，貴夾唔好食。5)     流汁小籠包又係衰在層皮太厚，兼且唔流汁。6)      鮮竹牛肉球正常大大嚿，夠熱夠鬆，十九蚊一籠最抵食。7)      蠔皇鮮竹卷大條野味夾抵食。8)      蛋黃千層糕同D點心一齊到，食果陣都凍哂，個包就好鬆，但D蛋黃就好嚡唔夠油水。9)      柚蜜雞蛋散脆就脆，不過就好酸。抵食1分：點心價好極端，逐粒計為起仲貴過五星級大酒店D中餐廳，十幾蚊籠果Ｄ牛肉球同鮮竹卷就抵好多，茶錢要成十五蚊個先最貴，又唔係咩高級餐廳，冇可能覺得抵食。