Video
Read full review
2019-07-10
72 views
約咗友人去雅蘭中心搵食，無嚟一排，原來商場入面進駐 了不少新食肆。友人提議試下這間新開嘅「點心廊」，據說店舖是由喜來登酒店前大廚陳小麒師傅主理，以供應新派及懷舊點心為主。餐廳位於商場 2 樓 201 號舖，店內地方頗大，環境清幽舒服，牆身上掛滿水墨畫，帶有藝廊氣息，配上一室淺木色裝潢，營造出雅致氛圍。入座後，先開茶。平日上茶樓多數會叫鐵觀音，今次就試下桂花烏龍茶 (茗茶每位$10)，茶底清澈，入口散發著迷人花香。這裡嘅點心，選擇都幾多元化，既有新派創意點心、亦有經典懷舊點心，真係令人花多眼亂。和朋友商量後，最後揀咗個創作六式拼盤 ($198)，另外再加咗客黑蒜蒸鳳爪排骨。拼盤一共有六款點心，當中包括有金箔墨汁蟹粉鮮蝦餃、海膽鳳眼餃、黃金啤梨鹹水角、原隻鮑魚雞粒酥、一口燕窩蛋撻和黑白芝麻流心煎堆仔。蝦餃同鳳眼餃以一個搶眼嘅粉紅色點心籠盛上，聽店員講，個蒸籠內外都用咗紅菜頭汁噴染，所以就算啲點心放喺入面都唔怕沾染到人工色素。蝦餃餃皮加入了墨魚汁搓製，加上入面的蟹粉和蝦肉，入口彈牙有鮮味，配以面頭嘅金箔，賣相矜貴。鳳眼餃造型很精緻，餃皮厚薄適中，蝦肉爽口彈牙，加埋頂頭軟滑 Creamy 嘅海
約咗友人去雅蘭中心搵食，無嚟一排，原來商場入面進駐 了不少新食肆。友人提議試下這間新開嘅「點心廊」，據說店舖是由喜來登酒店前大廚陳小麒師傅主理，以供應新派及懷舊點心為主。
餐廳位於商場 2 樓 201 號舖，店內地方頗大，環境清幽舒服，牆身上掛滿水墨畫，帶有藝廊氣息，配上一室淺木色裝潢，營造出雅致氛圍。
入座後，先開茶。平日上茶樓多數會叫鐵觀音，今次就試下桂花烏龍茶 (茗茶每位$10)，茶底清澈，入口散發著迷人花香。
這裡嘅點心，選擇都幾多元化，既有新派創意點心、亦有經典懷舊點心，真係令人花多眼亂。
和朋友商量後，最後揀咗個創作六式拼盤 ($198)，另外再加咗客黑蒜蒸鳳爪排骨。拼盤一共有六款點心，當中包括有金箔墨汁蟹粉鮮蝦餃、海膽鳳眼餃、黃金啤梨鹹水角、原隻鮑魚雞粒酥、一口燕窩蛋撻和黑白芝麻流心煎堆仔。
蝦餃同鳳眼餃以一個搶眼嘅粉紅色點心籠盛上，聽店員講，個蒸籠內外都用咗紅菜頭汁噴染，所以就算啲點心放喺入面都唔怕沾染到人工色素。蝦餃餃皮加入了墨魚汁搓製，加上入面的蟹粉和蝦肉，入口彈牙有鮮味，配以面頭嘅金箔，賣相矜貴。鳳眼餃造型很精緻，餃皮厚薄適中，蝦肉爽口彈牙，加埋頂頭軟滑 Creamy 嘅海膽，令口感層次更豐富。
雞粒酥以原隻鮑魚入饌，鮑魚先燜至入味再放入牛油酥皮內，批底酥香細膩，幾乎入口即化，配鮑魚吃，味道夾配。
一口燕窩蛋撻，撻皮很酥脆，上面嘅燕窩堆到成座山咁高，不但分量十足，而且味道清新，能中和蛋撻嘅油膩感。
黑白芝麻流心煎堆仔，小煎堆外層鋪滿黑白芝麻，加上入面嘅流心芝麻餡，熱辣好吃。
黃金啤梨鹹水角，鹹水角弄成啤梨形狀，造型十分別緻，內裡有豬肉碎、蝦米、冬菇、沙葛等，餡料分量合宜，食落完全無油膩感。
至於黑蒜蒸鳳爪排骨 ($48) 用料亦絕不欺場，排骨新鮮，咬下啖啖肉，肥瘦適中，加上以黑蒜同蒸，味道甜甜酸酸，別有一番風味。至於鳳爪食味亦不俗，大大隻，蒸得腍身入味。今次食嘅幾款點心，味道真係唔錯，有賣相又有水準，令人吃得很滿意。
Post
