大川滬 (Closed)

同朋友揸車去開土瓜灣, 黎到北帝街搵食, 路過見到"大川滬"好似都唔錯, 除咗上海點心小菜, 仲有其他中式小菜, 我地睇中咗有水煮魚😍就即刻揀咗呢間。睇睇餐牌, 呢度絕對係多元化餐廳, 食物都好多選擇, 同朋友仔黎食一定唔會無心水。 首先揀咗上海點心, 即叫即制, 上枱熱辣辣, 水準仲幾高👍 我地叫咗小籠包同蘿蔔絲酥餅, 最讚係蘿蔔絲酥餅, 唔係好多地方可以有得食, 而且蘿蔔夠清甜, 外層做到好酥脆, 正。 小籠包亦做到水準, 皮夠薄勁多湯汁。 食上海菜當然要試下擔擔麵, 夠多花生醬加埋帶有麻辣味紅油, 而且份量仲幾大碗。睇見有煎蠔餅即時心心眼, 平時食潮州菜最常點, 大大碟, 唔會過多粉, 都有好多蠔仔, 煎得仲好脆。最後仲有今日主角水煮魚, 原來係用沙巴龍躉啖啖肉, 有朋友唔食得辣所以叫咗少辣, 底層仲有粉條, 好快我地就清哂, 好味👍