Video
Read full review
2012-02-08
222 views
李公館座落喺著名滬菜 - 留園既灣仔舊址 (留園雅敘於另一位置)。裝修雅緻，一層面積雖僅可放大約十張中小型枱，但格局舒適，客人唔覺侷促之餘，亦坐得舒服。備有一大宴會廳間隔，放置兩大桌座還有大量走動空間。去年剛開張時跟朋友黎過品嚐小菜，印象不俗，只係份量略細。這趟跟家人5大兩小有老有嫩試試其點心，且看如何！ 與別不同春卷：名符其實，確實做到與別不同。最喜歡春卷饀料塞得滿滿，看見那些埃塞俄比亞皮包骨式春卷往往令人咀喪。每條春卷直徑達4cm咁粗咪屬市場罕有，顏色鮮嫩搶眼，一咬異常充實， "Chat" 一聲春卷皮碎開，證明係即叫即做既點心，當然炸功亦不懶。饀料以素菜為主，菜蔬保持爽口鮮嫩，鹹淡適中，食唔到有一 Pat Pat 既獻漿，簡真係我 No. 1 既春卷。 雪影叉燒包：與唔少酒樓都有既菠蘿叉燒包、墨西哥叉燒包同出一轍。雪影叉燒包近乎墨西哥叉燒包，但脆皮稍簿，上枱熱騰騰，亦係即叫即焗之作。要待良久温度才能減退，小朋友方可入口。叉燒切得細細，肉質軟滑，醬汁唔死甜，合口胃。最奇妙既係將包剪開4份放涼，皮亦無碎開，真不明固中技巧。雖唔係雪糕、紅豆冰，但深受小朋友歡迎，不斷 Encore ，吃得
去年剛開張時跟朋友黎過品嚐小菜，印象不俗，只係份量略細。這趟跟家人5大兩小有老有嫩試試其點心，且看如何！
與別不同春卷：
名符其實，確實做到與別不同。最喜歡春卷饀料塞得滿滿，看見那些埃塞俄比亞皮包骨式春卷往往令人咀喪。每條春卷直徑達4cm咁粗咪屬市場罕有，顏色鮮嫩搶眼，一咬異常充實， "Chat" 一聲春卷皮碎開，證明係即叫即做既點心，當然炸功亦不懶。饀料以素菜為主，菜蔬保持爽口鮮嫩，鹹淡適中，食唔到有一 Pat Pat 既獻漿，簡真係我 No. 1 既春卷。
雪影叉燒包：
與唔少酒樓都有既菠蘿叉燒包、墨西哥叉燒包同出一轍。雪影叉燒包近乎墨西哥叉燒包，但脆皮稍簿，上枱熱騰騰，亦係即叫即焗之作。要待良久温度才能減退，小朋友方可入口。叉燒切得細細，肉質軟滑，醬汁唔死甜，合口胃。最奇妙既係將包剪開4份放涼，皮亦無碎開，真不明固中技巧。雖唔係雪糕、紅豆冰，但深受小朋友歡迎，不斷 Encore ，吃得不亦樂乎！
福祿壽派黃金 (綠茶黃金流沙包)：
當天乃屬正月十四，新年好意頭既野依然受落，袋袋平安。綠茶味道雖欠奉，不過包皮鬆軟有彈性，抵過了不足。奶黃饀味也不錯，不太稠足夠似一道金沙流出，亦不太甜，啱曬我既口味。
金珠咸水角：
這個咸水角令憶起兒時第一次嚐到咸水角既美味。饀料不多，但有種食材總帶著一點咸香小甜既獨特味道，到而家我都未能搞清楚係麥東東，長大後既咸水角再沒有這種討好既味道，好奇怪呢！皮簿帶點煙靭，炸得唔老身，不油，做得好的是！
脆脆野菌腸：
Gimmick 之作。最初想像是用油炸鬼包晌中間，試過之後原來係首先做了野菌饀既越式網紋春卷，炸好後再包上腸粉皮，外軟內脆，頗有新鮮感，認同創意十足。湯粉豉油汁經特別調製，味道配撘得宜。唯一美中不足係野菌既鮮味被複雜既層次掩蓋了！
蜜汁叉燒腸：
因為其他點心太有驚喜，普通一碟既叉燒腸顯得異常普通，不過完全交到貨，無問題。
椒鹽豆腐：
外皮簿簿，炸得恰到好處，外脆內軟，沾上小小蒜粒同鹽，一口一粒，惹味！
醬皇蒸鳳爪：
可能醬汁未被鳳爪完全吸收，因此唔覺醬皇味道特別突出，一般味道而已。
原蝦黑魚子燒賣：
賣相很豐富，頂部有蝦一隻及黑魚子點綴，材料一試便知非常新鮮。不過論到最欣賞都係燒賣既豬肉饀，非常有咬口，似係手琢新鮮豬肉，天然純味，反璞歸真既真蹄。
沙爹金錢肚：
好鐘意呢個點心，原因係金錢肚較平日食既較厚身，連肚面凹凸既金錢紋都能被舌頭感應出來，質感柔韌有彈性，不是經常食到炆煮得死淋既金錢肚。加上特製既濃郁沙爹汁，放在金錢肚面，汁連富口感既金錢肚一經咀嚼，味蕾馬上被刺激活躍起黎，心也興奮雀躍！但爸爸給了點意見，就是底部白蘿蔔不夠淋及不夠入味，這點厨師可能真的走漏了眼！
蒜片牛仔粒：
好味呢！精髓相信來自牛仔粒質量及煮功。牛仔粒表面有層簿醬汁，形成一層小脆皮帶有香味，內裡呈粉口，肉質軟滑非常，完全沒有血淋淋既現象，賣$56蚊，絶對可以接受。
欖菜四季豆：
味道調得恰到好處，惹味得來不太濃及鹹，不錯的選擇！
瑞士汁炒牛河：
一端上桌，看了一下，顏色不太對辦，心感不妙。一試非單顏色太淡，味道鑊氣均欠奉，似乎難以合格，眾人有點兒失望！
南翔小籠包：
說實也做到標準，但約與上海菜館比較，當然仍有距離，廣東菜與滬菜屬於不同範疇，兩者各有專長！
翡翠牛肉球：
要選當天最不滿意的點心，非牛肉球不可也！牛肉球質地死實，唔鬆化之餘，也欠牛肉味。唔通鮮牛肉太貴所至？
李公館既點心平均水準很高，與現時大部份酒家外購現成工場點心或粗製濫做既有著天與地之別，曾幾何時也為酒樓點心失望過！今次食得出經營者同大厨花了不少心機，無論在對原材料、煮功、款式、醬汁等肯定都有所堅持。
這是廣東人嘆茶不可缺既點心，傳統文化經過世世代代既承傳，要將點心發揚光大應有既一點心烙印在中外食客既心上，而不是馬虎了事，正就是這一點心。希望這美味不僅是一次半次的巧合，而是營運者長遠對點心的執著。
Other Info. :
某些點心在假日做特假，較平日平宜，以此環境、食物質素、服務絕對抵食，不過記得前一天訂位。
(The above review is the personal opinion of a user which does not represent OpenRice's point of view.)
Post
