譽滿點心專門店 (Moved) New Location

好耐無同婆婆去飲茶，之前因為疫情原因，無去酒樓餐廳食飯，困在家中2個多月，現在疫情無咁嚴重，我哋決定出去飲一次茶。地點都係去返之前有食過嘅譽滿，譽滿一向水準都穩定，而且價錢唔貴，算係幾抵食。蝦餃1籠有4隻，皮薄，入面蝦肉新鮮爽口，點少少辣椒油最啱我口味。臘味飯婆婆鍾意食飯，所以去飲茶都會叫個煲仔飯嚟食，臘味飯嘅臘味唔會過肥，而飯粒好乾身，加少少豉油撈嚟食已經好好味。好快就成煲食晒。其他點心都幾好，春卷好脆，蘿蔔糕、叉燒包都保持到水準，應該都會keep住嚟食。