Video
Read full review
2017-12-03
489 views
作為一個吃貨 當然有一班吃貨朋友👯♀️👯♀️ 難得抽到時間出黎見面 緊係要食返餐好🤤 見大家已經好耐無食過海鮮蒸氣鍋 就一於跟網上blogger推介九重鮮 就一於訂座試一試究竟好唔好食😬上網已經見到佢最新既宣傳活動 就係新年必玩魚蝦蟹🐟🦐🦀 只要搖中兩粒骰子 (雙骰) 相同或者三粒一樣 (圍骰) 就會有獎品🎁 獎品睇落都相當豐富 有意大利白酒 阿拉斯加長腳蟹 一枱可以搖一次 我地運氣麻麻😂 可惜乜都搖唔到 但有得玩下都幾開心😃仲有一個推廣活動 就係瘋狂任食沙白三十分鐘 睇落都好吸引☺️ 到見到既時候真係比哂心心眼 份量比得並唔小氣 我地係三十分鐘內食到兩轉 相當回本😛 沙白唔算好大粒 但勝在份量多而又夠鮮味 隻隻洗得夠乾淨 大家食唔到任何沙石👍🏻我地睇咗一輪餐牌最後决定食豪d 嗌咗個鮮濟洲塔 一人要$568 入面有齊好多款海鮮🦐🦀 未食望到都幾吸引 而湯底我地就簡咗人參雞湯🐔 加咗$100 未食主角之前就試一試佢提供既前菜 有四款 款款都係爽口為主 幾惹味又開胃 泡菜芽菜都有淡淡辣味🌶 而青瓜紅蘿蔔絲切得夠細同幼 咬落都有口感🤤第一層就要等得比較長時間 大概15分鐘 溫度到達某個溫度就可
上網已經見到佢最新既宣傳活動 就係新年必玩魚蝦蟹🐟🦐🦀 只要搖中兩粒骰子 (雙骰) 相同或者三粒一樣 (圍骰) 就會有獎品🎁 獎品睇落都相當豐富 有意大利白酒 阿拉斯加長腳蟹 一枱可以搖一次 我地運氣麻麻😂 可惜乜都搖唔到 但有得玩下都幾開心😃
仲有一個推廣活動 就係瘋狂任食沙白三十分鐘 睇落都好吸引☺️ 到見到既時候真係比哂心心眼 份量比得並唔小氣 我地係三十分鐘內食到兩轉 相當回本😛 沙白唔算好大粒 但勝在份量多而又夠鮮味 隻隻洗得夠乾淨 大家食唔到任何沙石👍🏻
我地睇咗一輪餐牌最後决定食豪d 嗌咗個鮮濟洲塔 一人要$568 入面有齊好多款海鮮🦐🦀 未食望到都幾吸引 而湯底我地就簡咗人參雞湯🐔 加咗$100 未食主角之前就試一試佢提供既前菜 有四款 款款都係爽口為主 幾惹味又開胃 泡菜芽菜都有淡淡辣味🌶 而青瓜紅蘿蔔絲切得夠細同幼 咬落都有口感🤤
第一層就要等得比較長時間 大概15分鐘 溫度到達某個溫度就可以打開 開始慢慢食🤤 外觀無得輸 夠哂有氣勢🕺🏻 第一層係泡菜和牛卷 由泡菜包裹住一片薄薄既和牛🐮 和牛肉汁有充分被鎖住 加上泡菜既鮮甜味 食落好夠味😍
下層有鮮菇 蟶子同北寄貝 加埋鮮甜多汁既小鮮茄🍅 哩層既海鮮已經食到我地流哂口水 各款海鮮夠鮮味又唔會帶有海水腥味 蟶子同北寄貝都比平日既大隻 肉質幾爽口同鮮美👍🏻接着食既幾層海鮮都相當惹味 睇到龍蝦咁夠份量已經心諗無得輸😎 龍蝦超易起肉 咬落幾爽口又夠方便😋 鮮味充分到已經唔需要要點醬油/醬汁 兩三口食完超滿足😍
中間有兩層也係我既大愛😍 除咗有齊我平日唔常食既南非鮑魚 沙巴肉蟹仲有超甜粟米同南瓜🎃 南非鮑魚蒸得岩岩好👍🏻 口感一流 而咬落彈牙而唔太硬 沙巴肉蟹食落啖啖肉 又有肉汁 蟹膏都有一堆❤️ 一旁既南瓜白蘿蔔粟米同茄子🍆都好甜 食完一堆海鮮後食就岩岩好 消膩同大減飽肚感😋
食到臨尾見到有厚切黑椒牛舌幾夠驚喜 牛舌醃得相當夠黑椒味 平日係蒸氣鍋比較少有機會食到牛舌 厚切的口感相當之唔錯 彈牙又唔會過un😍 而旁邊既花膠魚片串幾有韓式感覺🇰🇷 花膠口感偏腍身 與薄薄既魚片串埋 幾有特色 口感幾特別✌🏻
食到最後當然要食下個人參雞粥底🐔 粥底充分地吸收咗上面多層海鮮既精華 煲得岩岩好 而粥既質感夠哂軟綿綿 綿密👅 亦不得不讚 哩度既侍應服侍得幾好 見我地唔係好識睇時間同預時間 佢都會主動問我地有冇任何需要🙋🏻♀️ 同最後仲幫我地手分粥 見我地食唔哂亦問我地有冇需要拎走 提供埋碗比我地拎走 緊係要貫徹食得唔好嘥❤️
Post
