Video
Read full review
2021-09-12
936 views
成日路過壹匯, 都見倒好多人等緊位, 今日早左起身, 即管試下等位.去到拎飛已經104, 但仲叫緊60, 不過D位原來都快走, 可能有部份拎左飛不在場, 同埋搭枱可以先入.哩個舖位前身都係酒樓, 所以位置都好大, 同埋抗疫版都做得好好.腸粉皮唔算厚, 但有D鞋身, 反而叉燒唔鞋, 豉油都咸甜適中, 中規中舉啦鳳爪夠味同夠淋身, 但係就偏油左D.薄餅煎唔透, 食落去仲係麵漿咁, 只有條邊先煎得夠, 隻蝦夠味既, 不過食完先發現, 個底都幾油.菜肉包個皮又厚又鞋, 又欠缺一般既甜味, 肉饀完全無味, 平常酒樓唔夠味的話, 會落多D胡椒粉蓋一蓋個味, 不過哩個除左少少菜味, 係食唔倒其他味喇.燒賣皮唔知係蒸過龍定未蒸淋, 係有D乾身既, 雖然剛蒸出黎, 但蟹子同皮既顏色比較暗啞, 味道係夠味既, 蝦都切得細粒左, 所以感覺都偏多.牛肉球唔硬, 雖然落左好多芫茜, 但係都係無乜味.我諗多人排既原因, 可能真係D老人家鍾意食淡口D卦, 我就一般喇.
去到拎飛已經104, 但仲叫緊60, 不過D位原來都快走, 可能有部份拎左飛不在場, 同埋搭枱可以先入.
哩個舖位前身都係酒樓, 所以位置都好大, 同埋抗疫版都做得好好.
腸粉皮唔算厚, 但有D鞋身, 反而叉燒唔鞋, 豉油都咸甜適中, 中規中舉啦
鳳爪夠味同夠淋身, 但係就偏油左D.
薄餅煎唔透, 食落去仲係麵漿咁, 只有條邊先煎得夠, 隻蝦夠味既, 不過食完先發現, 個底都幾油.
菜肉包個皮又厚又鞋, 又欠缺一般既甜味, 肉饀完全無味, 平常酒樓唔夠味的話, 會落多D胡椒粉蓋一蓋個味, 不過哩個除左少少菜味, 係食唔倒其他味喇.
燒賣皮唔知係蒸過龍定未蒸淋, 係有D乾身既, 雖然剛蒸出黎, 但蟹子同皮既顏色比較暗啞, 味道係夠味既, 蝦都切得細粒左, 所以感覺都偏多.
牛肉球唔硬, 雖然落左好多芫茜, 但係都係無乜味.我諗多人排既原因, 可能真係D老人家鍾意食淡口D卦, 我就一般喇.
Post
