鬼金棒

Open Now

Now Closed

香港拉麵鋪頭眾多，我覺得大差不差，但有一間暫時無得取代，就係鬼金棒！久唔久就要encore粟米筍，每次都要排隊，生意真心好！🍜呢度嘅特色係辣！我係好食得辣，所以並唔覺得真係好辣，但比起一般豬骨湯拉麵惹味好多！本身拉麵湯好容易覺得滯，呢度就唔會了！🍜麵條比較粗身，都爽彈好味！雞蛋啦叉燒啦全部都係想像中嘅好味😋💗但粟米筍就係非一般嘅好味了！超有鑊氣！係，係用有鑊氣來形容！一路食一聽到廚房梆梆聲係度用超大火超大鐵鍋炒緊粟米筍，不誇張，聽到都覺得好味哈哈！😊如果你同我一樣係重口味愛好者，記得要叫辣味加芫荽加粟米筍，唔會失望！