清真牛肉館 (龍崗道) (Closed)

幾年前試過清真牛肉館嘅蕃茄凍覺得超好食， 今日同朋友經過九龍城，諗住再入嚟試試，點知真係大失所望，搵勻整個餐牌都唔見有蕃茄凍，而我朋友亦都未食過，之後問侍應姐姐，而姐姐嘅反應好大，話從來都冇做過什麼番茄凍，搞到我朋友都笑我，以為我係記錯咗第二間餐廳，之後我就上網搵資料發現原來呢間清真牛肉館已經有好幾年冇做番茄凍，真心唔明點解侍應姐姐要咁嘅反應搞到我俾朋友誤會。心情已經有啲唔好，之後叫了一個下午茶餐~牛肉餅加牛腩湯，另外朋友話想試嫩雞煨麵，就係散叫嘅。再加一杯豆漿，坦白講~牛肉餅質素沒有下滑，保持水準，是不錯的選擇。但係牛腩湯是第一次試，真心唔好食，嫩雞煨麵的湯俾我們感覺是落了很多花奶才令佢變成白色，同埋好重奶味。題外話，豆漿遲遲未到，所以催促侍應姐姐叫佢俾杯豆漿我，點知侍應姐姐走去大聲同收銀講加多一杯豆漿喎，但是從頭到尾只來了一杯。最後收銀結帳時，真的收我兩杯錢，我當然即時澄清，收銀有顯得有點深深不忿，不停碎碎念。食物水平比較參差，招牌菜是出色但其他都一般般，服務就真係不敢恭維，應該沒有下一次了