Video
Read full review
2018-11-20
2636 views
朋友一年一度回港探親，唯一條件就係想搵間方便湊小朋友既餐廳，於是帶左佢去距離地鐵站唔太遠既素食中菜試試。二人餐 ($388)五味人生可以話係我見過份量最足既冷盤，本來預期味道清淡以食材原味為主，估唔到雪耳、木耳同山藥都用上湯煮過，夠味又爽口。 蒟蒻切成魷魚狀，辣辣地幾惹味。 店員介紹中間'鮑片'要點芥辣豉油，食落索索聲有彈性，整體幾款冷盤都好滿意。椒鹽素魷魚如預期般食落似魚片，彈牙惹味。黑松露糯米燒賣黑松露醬味道濃郁，可惜食開肉餡燒賣，唔太習慣糯米燒賣粉粉地既質感，但見夾左幾款菜都幾健康。尚品素湯第一次飲素湯，湯料唔多，只撈到少少蘿蔔所以開頭冇咩期望。 估唔到用豆黎代替豬骨熬湯原來好鮮甜，同平時飲到既老火湯一樣咁香濃，朋友都大讚有驚喜。咕嚕甜酸素肉一直對扮肉既假齋有少少反感，因為唔健康又味道麻麻。 呢味咕嚕肉竟然一改我印象，麵筋炸到外脆內嫩又乾爽，似偏腍既豬肉，重點係甜酸調味恰到好處，配埋新鮮多汁既菠蘿完全食唔停口。川式龍口粉絲原煲上既炒粉絲熱辣辣香噴噴就無可厚非，最欣賞既係調味辣辣地好惹味，仲隱約食到少少肉碎，其實我直到呢刻先醒起我係食緊齋，大概素菜最高境界就是如此。一行三人驚唔夠分
二人餐 ($388)
五味人生
38 views
0 likes
0 comments
五味人生
41 views
0 likes
0 comments
五味人生可以話係我見過份量最足既冷盤，本來預期味道清淡以食材原味為主，估唔到雪耳、木耳同山藥都用上湯煮過，夠味又爽口。 蒟蒻切成魷魚狀，辣辣地幾惹味。 店員介紹中間'鮑片'要點芥辣豉油，食落索索聲有彈性，整體幾款冷盤都好滿意。
椒鹽素魷魚
35 views
1 likes
0 comments
如預期般食落似魚片，彈牙惹味。
黑松露糯米燒賣
20 views
0 likes
0 comments
黑松露醬味道濃郁，可惜食開肉餡燒賣，唔太習慣糯米燒賣粉粉地既質感，但見夾左幾款菜都幾健康。
尚品素湯
40 views
0 likes
0 comments
第一次飲素湯，湯料唔多，只撈到少少蘿蔔所以開頭冇咩期望。 估唔到用豆黎代替豬骨熬湯原來好鮮甜，同平時飲到既老火湯一樣咁香濃，朋友都大讚有驚喜。
咕嚕甜酸素肉
15 views
0 likes
0 comments
咕嚕甜酸素肉
23 views
0 likes
0 comments
一直對扮肉既假齋有少少反感，因為唔健康又味道麻麻。 呢味咕嚕肉竟然一改我印象，麵筋炸到外脆內嫩又乾爽，似偏腍既豬肉，重點係甜酸調味恰到好處，配埋新鮮多汁既菠蘿完全食唔停口。
川式龍口粉絲
18 views
0 likes
0 comments
川式龍口粉絲
27 views
0 likes
0 comments
原煲上既炒粉絲熱辣辣香噴噴就無可厚非，最欣賞既係調味辣辣地好惹味，仲隱約食到少少肉碎，其實我直到呢刻先醒起我係食緊齋，大概素菜最高境界就是如此。
一行三人驚唔夠分，所以叫多左兩款。
牛肝菌香煎芙蓉鮮竹
$138
35 views
0 likes
0 comments
牛肝菌香煎芙蓉鮮竹
$138
35 views
0 likes
0 comments
現實與圖片一模一樣，除左腐竹既豆香同煎餅既香氣，牛肝菌獨有既濃郁菌香亦令人一試難忘，物有所值。
黑松露松子仁炒飯
$98
37 views
0 likes
0 comments
黑松露松子仁炒飯
$98
31 views
0 likes
0 comments
炒飯粒粒分明，每粒都沾滿香濃既黑松露醬，一啖咬埋面頭脆口既松子仁，完全令香味更上一層樓。 單單只有黑松露味難免會有少少膩，值得一讚炒飯加左蔬菜同雞脾菇粒，感覺清新。
本來見二人餐菜式數目唔多，預期唔太飽肚，估唔到樣樣份量都好足，散叫多兩款實在太貪心喇，最後未食甜品就飽到要打包走人，十分抵食。
第一次帶埋BB用膳，BB肚餓扭計就難免。 值得一讚由安排僻靜座位、準備BB椅去到盡快上白飯俾BB醫肚，店員都盡善盡美，態度友善，大家都稱心滿意。
Post
