Video
Read full review
2019-01-30
3648 views
幾年前公司响利苑包場搞annual dinner，當時覺得好好食！但自從搬咗入嚟九龍灣之後，竟然一直冇幫襯過，今日適逢部門食團年飯就再嚟試吓！之前見到幾多負評，真係有啲擔心又中伏 。今日食完試完，就用良心替店家平反吓！我哋一行十幾人提早一星期訂位，又提早10分鐘到，一去到唔駛等就埋位 過程非常流暢！坐低馬上開茶 - 普洱、壽眉、滾水。唔知係咪冇壽眉嘅茶牌，兩壺茶都係掛住普洱牌，有少少不足但OK 嘅！點心款式貴精不貴多，我哋叫咗成張點心紙80％嘅點心，基本上都係好好味嘅！流心奶皇包 - 奶皇好香好滑，可惜奶皇餡唔流心，只係一般嘅奶皇包。蝦腸 / 齋腸粉 - 同樣係腸粉，齋腸就比較滑口，蝦米葱花好香，如果食腸粉，個人推介齋腸。蝦餃 / 燒賣 - 蝦味鮮甜，賣相精緻！蘿蔔絲酥餅 - 酥皮炸得乾身，不油不膩，爆汁蘿蔔絲餡料可以再多少少！鮑汁鳳爪 - 啖啖骨膠原！招牌燒腩仔 - 皮脆肉爽口，可惜太細粒，份量唔夠豪爽，食得唔夠過癮 招牌蜜汁叉燒 - 叉燒絕對係水準之作，肥瘦適中，蜜汁滲透叉燒入面，外層仲有少少焦香，火喉十足！口水雞 - 雞肉嫰滑，調味適中唔會太鹹，個人口味而言，辣味可以再加重！😅海
我哋一行十幾人提早一星期訂位，又提早10分鐘到，一去到唔駛等就埋位 過程非常流暢！坐低馬上開茶 - 普洱、壽眉、滾水。唔知係咪冇壽眉嘅茶牌，兩壺茶都係掛住普洱牌，有少少不足但OK 嘅！
點心款式貴精不貴多，我哋叫咗成張點心紙80％嘅點心，基本上都係好好味嘅！
流心奶皇包 - 奶皇好香好滑，可惜奶皇餡唔流心，只係一般嘅奶皇包。
蝦腸 / 齋腸粉 - 同樣係腸粉，齋腸就比較滑口，蝦米葱花好香，如果食腸粉，個人推介齋腸。
蝦餃 / 燒賣 - 蝦味鮮甜，賣相精緻！
蘿蔔絲酥餅 - 酥皮炸得乾身，不油不膩，爆汁蘿蔔絲餡料可以再多少少！
鮑汁鳳爪 - 啖啖骨膠原！
招牌燒腩仔 - 皮脆肉爽口，可惜太細粒，份量唔夠豪爽，食得唔夠過癮
招牌蜜汁叉燒 - 叉燒絕對係水準之作，肥瘦適中，蜜汁滲透叉燒入面，外層仲有少少焦香，火喉十足！
口水雞 - 雞肉嫰滑，調味適中唔會太鹹，個人口味而言，辣味可以再加重！😅
海山骨 - 即係南乳肉排，南乳惹味，肉排炸得香脆，配白飯最最
鮮蝦雞蛋炒麵 - 超幼麵條炒得爽口唔油膩，豉油皇銀芽炒麵底配彈牙鮮蝦 好食到唔停得口！
鵝肝蝦仁炒飯 - 鵝肝粒好香好濃，蝦仁爽口，飯底炒得乾身，超有鑊氣嘅炒飯！
食物質素好，咁至多人提到嘅服務呢？
參考過之前嘅食評（負評），今日一樣都冇出現過！每次舉手都有兩個侍應光速上前。係我計海底撈以外，見過最快最有效率嘅服務，真心俾！所有order 都有跟足，零甩漏。相信店舖有認真跟進/改善服務質素！值得再次讚許
同事非常滿意所有食品，服務，相信利苑好快成為我哋嘅專屬飯堂喇！
蝦腸
74 views
0 likes
0 comments
73 views
0 likes
0 comments
蜜汁叉燒
65 views
0 likes
0 comments
蘿蔔絲酥餅
64 views
0 likes
0 comments
口水雞
57 views
0 likes
0 comments
流心奶皇包
68 views
0 likes
0 comments
鮮蝦雞蛋炒麵
98 views
0 likes
0 comments
鵝肝蝦仁炒飯
103 views
0 likes
0 comments
Post
