Video
Read full review
2008-01-16
11 views
要聽Y小姐講心事，臨時飛起澱粉王男友叫佢先返屋企食自己。Y小姐佢竟然提議黎呢到食日式放題，我心諗，講心事食buffet?? 好似唔太適合。點知環境裝修幾OK幾舒服，枱與枱之間space夠，加上喺weekday，客人唔多唔太嘈，講心事傾計都OK。雖然今次食嘅嘢唔算多，但都不能盡錄，只大約同General講吓。(始終今次喺傾密計飯局，食物喺side track)1.(bar枱自取)各款壽司、冷盤及Salad: 款式雖不太多，但味道不錯，而且買相精緻，推介蘋果西芹沙律及三文魚粒沙律。(以下所有為寫紙入單食物，waiter送黎，唔駛自己攞)2.沙律類: 本人為沙律怪魔，故試咗唔少款式，好多款都得，而且寫1人份量，絕對唔止1人前，大家留意!!!首推原個蕃茄沙律，去皮蕃茄大大個好青甜，中間打橫切開成三層，再夾著青瓜片，沙律底鋪咗生菜絲，配埋日式dressing，勁fresh好味，不過就等得耐咗D。3.各款刺身: 切得算厚同大塊，算新鮮，我地食咗勁多三文魚同甜蝦。4.揚物: 炸嘢我無食，Y小姐叫1人前嘅吉列蠔竟然都有三大舊，不過佢話炸得好脆，而且隻蠔幾厚肉；得喺佢話天婦羅炸得好油，唔得。5.串燒:
Y小姐佢竟然提議黎呢到食日式放題，我心諗，講心事食buffet?? 好似唔太適合。
點知環境裝修幾OK幾舒服，枱與枱之間space夠，加上喺weekday，客人唔多唔太嘈，講心事傾計都OK。
雖然今次食嘅嘢唔算多，但都不能盡錄，只大約同General講吓。(始終今次喺傾密計飯局，食物喺side track)
1.(bar枱自取)各款壽司、冷盤及Salad: 款式雖不太多，但味道不錯，而且買相精緻，推介蘋果西芹沙律及三文魚粒沙律。
(以下所有為寫紙入單食物，waiter送黎，唔駛自己攞)
2.沙律類: 本人為沙律怪魔，故試咗唔少款式，好多款都得，而且寫1人份量，絕對唔止1人前，大家留意!!!首推原個蕃茄沙律，去皮蕃茄大大個好青甜，中間打橫切開成三層，再夾著青瓜片，沙律底鋪咗生菜絲，配埋日式dressing，勁fresh好味，不過就等得耐咗D。
3.各款刺身: 切得算厚同大塊，算新鮮，我地食咗勁多三文魚同甜蝦。
4.揚物: 炸嘢我無食，Y小姐叫1人前嘅吉列蠔竟然都有三大舊，不過佢話炸得好脆，而且隻蠔幾厚肉；得喺佢話天婦羅炸得好油，唔得。
5.串燒: 整體都算好味，首推雞軟骨，但喺豚腩肉串同大蔥串就有D肥膩。
6.自己燒嘅Teppan牛舌及韓式牛肉: 因我戒牛，此項目只有Y小姐食，佢話牛舌勁惹味，牛肉片就有D鞋……
7.即煮蜆肉味噌湯(當晚每枱送嘅): 經理叫咪作介紹，師傅即席企出黎煮，味道OK，蜆肉略嫌細小。
8.意風白汁螺肉: Creamy Sauce勁重奶味，食一舊都漏，碟邊配上嘅4塊小梳打餅更唔想食。
9.椰菜凍湯: 貪得意叫，結果超級後悔，個湯exactly喺意風白汁螺肉個sauce，無論個樣、texture同味道都喺，不過喺凍咗，你話幾難飲!!!(無椰菜味架)
10.意風蕃茄青口意粉: 1人前得2人份量，呢個超熱，上枱時出哂煙，青口好大隻，都有成5、6隻，同蕃茄味好配(仲見蕃茄肉)，好味。
11.熱烏冬: 夠熱夠彈牙，幾好，不過湯底應該喺普通味精湯(??)我食唔出昆布味喎。
是晚無食火窩同壽司，因驚飽得滯(火窩類一叫喺3-4人前)，惟有下次等同澱粉王先黎試。
對呢到impression幾好，返轉頭成數都幾高，下次再會吧。
Post