蘭芳園

Open Now

Now Closed

之前經過幾次它的總店，每次也為了工事也冇得停下腳步嘆一嘆。 終於今日放假經過它的尖沙咀分店，可能假日餐廳唔忙有位，今天有緣見到，冇理由再錯失它的奶茶。熱奶茶夠香夠濃又夠滑，完全正宗絲襪奶茶味道，十分正。蔥油雞扒撈丁蔥油香，雞扒煎得皮夠金黃，肉質仍嫩，不過份量略細。凍奶茶雖然加了冰塊，但奶茶仍夠香濃，看到奶茶面浮出細緻泡沬，就看到它的香滑度。豬肋骨喇沙湯米豬肋骨炆得夠林，不過喇沙湯底一般。迷你奶油脆豬仔包外層烘得夠脆，好味。