Video
Read full review
2021-06-28
363 views
呢日黎到呢間打卡cafe諗住影下靚相，離遠已經見到一大條長龍，之後我男朋友就梗係唔想排啦，但係我苦苦哀求之下佢都係陪我排左三十分鐘。如果可以拎飛嘅話會更好，咁可以喺海港城入面行下再番去等。因為有啲人會想坐窗邊位，所以待應都會問一問安排個位o唔ok。叫野飲同野食要行出去counter叫完再俾錢先，我哋對上一餐食飽左，男朋友又唔飲咖啡，所以叫左一杯Latte同Chocolate，仲有一個garlic cream cheese bun。個包入面係充滿哂cream cheese，仲要好大陣蒜頭味。雖然我係蒜頭控，但奈何上一餐真係食得太飽，加埋啲cream cheese真係膩到有啲反胃，所以食左幾啖就放棄左行左出去影相。仲要之後我行超市見到一款包裝張相同呢個包一模一樣嘅急凍產品，唔知係咪就係用現成製品就咁加番熱呢。呢度嘅景色真係一絕，大大嘅落地玻璃配埋維港海景，尤其是當啲陽光照射到落海水到閃閃發光嘅時候，靜靜咁望住都好治癒。咁啱過一陣太陽又落山，橙黃色嘅天空又係另一番景色。咁梗係要影底佢啦，但因為正對住個太陽逆哂光，要影到靚景都好考技巧。就係我哋影相期間，我哋嘅野食俾侍應收走左，但明明每樣都仲剩
因為有啲人會想坐窗邊位，所以待應都會問一問安排個位o唔ok。叫野飲同野食要行出去counter叫完再俾錢先，我哋對上一餐食飽左，男朋友又唔飲咖啡，所以叫左一杯Latte同Chocolate，仲有一個garlic cream cheese bun。
個包入面係充滿哂cream cheese，仲要好大陣蒜頭味。雖然我係蒜頭控，但奈何上一餐真係食得太飽，加埋啲cream cheese真係膩到有啲反胃，所以食左幾啖就放棄左行左出去影相。仲要之後我行超市見到一款包裝張相同呢個包一模一樣嘅急凍產品，唔知係咪就係用現成製品就咁加番熱呢。
呢度嘅景色真係一絕，大大嘅落地玻璃配埋維港海景，尤其是當啲陽光照射到落海水到閃閃發光嘅時候，靜靜咁望住都好治癒。咁啱過一陣太陽又落山，橙黃色嘅天空又係另一番景色。咁梗係要影底佢啦，但因為正對住個太陽逆哂光，要影到靚景都好考技巧。
就係我哋影相期間，我哋嘅野食俾侍應收走左，但明明每樣都仲剩底一半。不過始終野食都唔係我哋黎嘅目的，所以我哋都冇追究落去。
19 views
0 likes
0 comments
Post
