木谷料理

Open Now

Now Closed

如果大家係東廣場諗住是但拉啲野食下，建議都唔好黎呢間食麵，因為真係會浪費左你幾十蚊，難食到食唔落。叫左個日式叉燒拉麵，落完單走埋錢就上左個麵，速度真係唔係其他店家可以媲美。但我第一啖食落去，哇，點解可以咁淋既，麵質真係可以一啲彈性都冇，差唔多入口即熔，冇牙食就差唔多既。望一望入廚房原來啲都一早熟晒一盒盒加熱就上得，即使係咁操作，都簡啲本身有彈性啲既麵吧。叉燒都唔得的，勁柴，用晒瘦肉，調味得個咸字。湯底就唔評了，如果料同麵 ok ，醬油加水做湯底都得啦。食左幾口放棄了，好想食個出前一丁。其實老闆係好有禮貌，如果想做好間店，建議真係首先改善味道先可以有問頭客。例如東廣場入口果間拉麵，唔係話好好食,但麵質同湯底正常已經會加令人番去再食。只可以話每間生意淡泊既店都係有原因的。