相撲手日式放題 (Closed)

鍾意食蠔嘅我想試好耐，見佢做緊9折，星期六就book左位。兩人都有張大枱，好舒服。餐廳主打生蠔，坐低即刻叫左4隻，點知d蠔食落好淡冇鮮味，望落亦唔靚，但要比點薯條嗰隻蕃茄汁點蠔 因為呢間餐廳，我驚左食蠔成個月！至於刺身，帶子杯真係好好食！赤貝壽司亦唔錯。到小食，第一次食蟹腳係完全冇洗過就上碟，幾好食但好驚掂到蟹殼😞 食完手指黑蚊蚊好污糟。最後叫左燉湯，好飲。榴槤雪條都唔錯。講真，$300可以食更好嘅餐廳。