山東餃子館 (Closed)

平時主要都喺食米線多，今次我地去左附近小店試下山東餃子同粉麵。✨麻醬伴麵聽聞呢到既麻醬伴麵都幾出名，我地都特別叫左一碗齊齊食。麻醬好香花生味，食落咸咸地，麵質喺偏軟腍個種，每條麵條都均勻沾上麻醬，麵同個醬又真喺幾夾。雖然麻醬好味，但食多幾口都開始有飽濟同油膩感，所以同朋友share喺最好。我地另外都試左兩款餃子，餃子皮薄透餡，每隻都包得好飽滿。✨津白鮮肉水餃 一份有十隻水餃，津白餡味道清清地，豬肉新鮮，但整體味道唔算好特出。✨金肉滿堂鮮肉水餃反而呢款水餃味道突出好多，粒粒金黃色的粟米除了加添了水餃的口感，更帶出了豬肉的鮮味，味道甜甜地好好食。最後叫多左串烤羊肉串，羊肉偏瘦所以烤完出來肉質較為乾硬，亦都欠缺羊肉那陣獨有的油膻香味。調味方面，羊肉串面頭灑滿了味粉和自然等香辛料，食落都幾重口味。肉串要20元一串，個人覺得唔值得特別去試。