Video
Read full review
2009-02-17
21 views
17-2-2009久聞呢度出晒名的豬扒及豬潤, 趁今日有時間搵路0黎試試. 叫了潤牛麵加豬扒, 加個熱奶茶 (total $39) 獨食.先0黎奶茶, 色水 ok, 茶底幾薄0下, 不過飲落茶味算幾香, 及格吧.再0黎潤牛麵及另上的豬扒... 先呷啖潤牛麵湯底, 味道淡口, 有點 MSG, 不過叫得公仔麵都預0左有點 MSG 0架啦, 是但啦. 麵底用大光麵, 淥得剛好, 不過無喱味道, 早知轉出前一丁啦; 牛肉少少梳打, 不過幾新鮮又幾腍; 薄切豬潤就好好食, 咬落彈力十足, 用薑絲辟了腥 / 澀味, 味道鮮甜, 正!豬扒分成 4 小件, 浸0係一大攤油內, 幾嚇人, 不過呢度係大排檔, 唔通 expect 佢會同你「去油」咩, 唯有自己0黎啦 豬扒帶黑椒香, 味道令人諗起大坑0個檔的出品 (http://www.openrice.com/restaurant/commentdetail.htm?commentid=1891311), 唔知用咩醃0架呢? 質地亦不錯, 無用梳打粉「也母」過, 食落又夠腍, 幾好食.環境就係典型老式 mou 街大排檔麻甩格, on one h
久聞呢度出晒名的豬扒及豬潤, 趁今日有時間搵路0黎試試. 叫了潤牛麵加豬扒, 加個熱奶茶 (total $39) 獨食.
先0黎奶茶, 色水 ok, 茶底幾薄0下, 不過飲落茶味算幾香, 及格吧.
再0黎潤牛麵及另上的豬扒... 先呷啖潤牛麵湯底, 味道淡口, 有點 MSG, 不過叫得公仔麵都預0左有點 MSG 0架啦, 是但啦. 麵底用大光麵, 淥得剛好, 不過無喱味道, 早知轉出前一丁啦; 牛肉少少梳打, 不過幾新鮮又幾腍; 薄切豬潤就好好食, 咬落彈力十足, 用薑絲辟了腥 / 澀味, 味道鮮甜, 正!
豬扒分成 4 小件, 浸0係一大攤油內, 幾嚇人, 不過呢度係大排檔, 唔通 expect 佢會同你「去油」咩, 唯有自己0黎啦 豬扒帶黑椒香, 味道令人諗起大坑0個檔的出品 (http://www.openrice.com/restaurant/commentdetail.htm?commentid=1891311), 唔知用咩醃0架呢? 質地亦不錯, 無用梳打粉「也母」過, 食落又夠腍, 幾好食.
環境就係典型老式 mou 街大排檔麻甩格, on one hand 坐0係露天位幾涼爽舒服, on the other 就俾兩檯煙民「左右夾攻」, 幾唔舒服, 唯有食完快閃.
埋單 $39, 呢類食店0黎講唔算平, 不過食物不錯, 價錢都 ok 的.
下次試試對面0個檔豉油王撈麵先得.
Post
