Video
Read full review
2019-07-19
341 views
是日同朋友訂左位去靚靚cafe打卡，因為3個人既關係，其實叫tea set就有啲麻煩既，因為一般都係一份tea set每款食物有兩件甘，甘我地點左兩個tea set，職員就幫我地整做3人份，甘就唔怕分唔勻，要讚下店員幾細心安排得唔錯。甘間鋪星期六同日及公眾假期只開下晝一至六點，平日仲開二半至六點，真係只for你食tea🤣甘因為我盪失路，搵左陣先去到，朋友就一早到左，我一去到熱辣辣，望望枱面居然好貼心放左風扇仔，呢個真係好加分。一入到去見到周圍都係歐洲宮廷feel，周圍都鋪滿唔同假花裝飾，好夢幻好華麗，仲有唔少花花打卡位，亦有唔少花環同花束任你揀黎做道具影相。甘配合環境當然叫哂兩款靚到爆既tea set啦，一款係Paris in Love Afternoon Tea 粉紅下的鐵塔下午茶，另一款就係Rosy Lovers Afternoon Tea 戀之花下午茶。甘兩款下午茶食既野一樣既，我係由鹹到甜甘去食。講鹹既先。我一開始先食左沙律杯，沙律都係簡單有啲粟米、青瓜同唔同沙律菜，果sauce 係芝麻醬，所以都好難難食，除非唔食芝麻醬就另計啦～新鮮度ok，整體不過不失，份量岩岩好。鹹點仲有一
甘因為我盪失路，搵左陣先去到，朋友就一早到左，我一去到熱辣辣，望望枱面居然好貼心放左風扇仔，呢個真係好加分。一入到去見到周圍都係歐洲宮廷feel，周圍都鋪滿唔同假花裝飾，好夢幻好華麗，仲有唔少花花打卡位，亦有唔少花環同花束任你揀黎做道具影相。
甘配合環境當然叫哂兩款靚到爆既tea set啦，一款係Paris in Love Afternoon Tea 粉紅下的鐵塔下午茶，另一款就係Rosy Lovers Afternoon Tea 戀之花下午茶。甘兩款下午茶食既野一樣既，我係由鹹到甜甘去食。
講鹹既先。我一開始先食左沙律杯，沙律都係簡單有啲粟米、青瓜同唔同沙律菜，果sauce 係芝麻醬，所以都好難難食，除非唔食芝麻醬就另計啦～新鮮度ok，整體不過不失，份量岩岩好。鹹點仲有一個焗薯蓉，上面有蕃茄仔做裝飾，我覺得果薯蓉味道係ok唔會過鹹過淡，但問題係焗得太乾，一啲都唔creamy，上面果片蕃茄仔都焗到乾哂，所以幾dry下，建議面頭落返啲sauce令佢食落唔甘寡或者果薯蓉整返濕啲。鹹點仲有一個牛角包，甘入邊係夾左蛋沙律做餡，牛角包夠酥化，蛋沙律味道適中，唔會太漏，鹹點入邊我最滿意呢個包。仲有兩個酥皮角都係鹹點，一個上面放Parma ham，呢個真係太鹹，酥皮細細但放左唔算細塊既Parma ham，有食過都知Parma ham幾鹹下，酥皮甘細塊完全中和唔到啲鹹味，另一個酥皮角就放左蟹柳，呢個就好好多，味道適中，兩樣野又夾。另外仲有一個蛋多士，就係多士上面放左兩塊蛋同青瓜，有少少沙律醬甘，其實唔係難食，但係同另外一個牛角包太似，又係蛋同包，而且呢個多士太乾唔夠脆口，所以兩類野太似就有啲厭，其實可以考慮轉蒜蓉包之類，或者放啲芝士火腿，唔應該又係蛋同沙律醬，實在太似太重複食材。鹹點整體不過不失，都係一般tea set既食物，其實食呢啲都係為打卡居多，味道都唔係重點。
甜點方面整體係有驚喜過鹹點既。有一個英式鬆餅，好符合成個cafe風格，鬆餅外脆內軟，有牛油同士多啤梨醬可以點，係唔錯既。另外有果朱古力慕絲，本身我真係好唔中意食甜既朱古力，我好怕甜食，但覺得點都要試下先食到食評，佢呢個慕絲係令我有驚喜，佢果朱古力慕絲分兩層，上層係朱古力醬，下層先係朱古力慕絲，甘果醬係偏甜既，而果慕絲係苦苦地既朱古力整既，所以食落唔會太甜太漏，而且我係中意食苦中帶甘既朱古力，所以呢個完全meet中我口味，只要剔走面頭啲醬，就甘食慕絲真係好正，夠濃味又夠creamy，所有甜品中我最滿意反而係呢個。仲有一個焦糖燉蛋係甜品，甘我覺得果蛋質感係夠creamy 既，但甜左啲，上面焦糖厚左啲，薄返啲會好啲，放左士多啤梨做裝飾酸味中和到滿口既甜味。仲有一個靚靚cupcake係甜品，甘果cupcake 面頭有隻假蝴蝶同用糖花做裝飾，靚得黎繼續配合同符合哂cafe主題，外表滿分，用黎打卡一流，至於味道就當然係好睇唔好食啦…如果整過cupcake 就會知通常上面啲裝飾要成到形同甘靚，一般都係好多糖啦牛油啦同色素啦…所以真係唔會好想食落口既，甘我當然係好果斷剔走左上面啲裝飾花啦，只食左果蛋糕仔，係好普通既牛油蛋糕，質感實左啲，所以都係好睇唔好食。
飲品方面，我同朋友一人叫一種茶，我叫左raspberry tea，係熱既，正常味道。店員仲會定期過黎幫手加水，甚至可以加茶包。
兩個set我都俾4星，完全唔係因為味道，而係俾間餐廳氛圍，首先好用心佈置，齋打卡都值啦！其次店員真係好有禮貌既，服務態度好好，而且食物一上係會主動問洗唔洗幫手影相，好了解啲客既打卡需要。總結黎講，真係一間岩哂打卡既靚靚cafe！
Paris in Love Afternoon Tea
38 views
0 likes
0 comments
Rosy Lovers Afternoon Tea
31 views
0 likes
0 comments
Post
