Curry Lounge (Closed)

原來東涌個food court 無咗，諗住隨便食下都唔得，因為嗰幾間連鎖餐廳都大排長龍，所以就走咗去海濱海堤灣畔，印象中嗰度有幾間餐廳。睇下門口menu 就揀咗呢間Curry lounge，坐低睇下 OpenRice 嘅推介，點知無Listing，原來呢間餐廳新開咗半個月咋！成個menu 都係食物嘅專有名，佢有少少解說用咩材料同點整。老闆 Waiters 都係印度人，似乎我地黎咗間由印度人主理嘅餐廳。比較少食印度菜，喺Google 幫手下就叫咗幾樣野。第一款係Prawns Chill，佢有少少辣但係同啲配合得好好，唔會辣到要係咁飲水，但係又吊到蝦嘅鮮味！第二款係Chicken Masala，啲雞係足料，食得出有雞嘅唔同部位，鍾意滑嘅就食肶位啦~ 雞胸啖啖肉又愛不釋手！仲有，啲咖哩勁香！叫咗份 Cheese Naan，芝士味唔算重，就咁食就夠煙韌，配埋個過咖哩就真係不得了！估唔到無心插柳都搵到間好餐廳！如果下次黎到東涌就有好野食喇！