餃燃串 (Moved) New Location

本身好鐘意食餃子🥟，平時都會周圍試下新餃子店。早排係網上見到有介紹呢間餃撚串，湯底竟然有我至愛既椰子雞湯底，咁特別，毫無懸念，即刻出發。光顧時間：週末中午- 韭菜豬肉餃 😋- 雲耳椰菜豬肉餃 😋- 粟米芝士豬肉餃 😋- 蒜蓉燒茄子🍆👍🏻- 明太子雞翼 👌🏻- 燒蒜蓉扇貝 👌🏻- 燒牛舌落芯 🫤先講下個椰子雞湯，好香椰子味！係預期中既椰子雞湯味。拼餃子都幾夾 ，I like it。我仲飲晒成碗湯😂食嗰陣見到佢地係現場包緊餃子，所以肯定啲餃子都係100%自家制。 我揀既餃子款式都係平常基本款，正常發揮，size算大粒，餡料比例撈得唔錯，好味。串燒忍唔住，叫下叫下就叫左四樣⋯⋯大部分都落左孜然粉，好搶味😂 茄子唔錯，惹味👍🏻扇貝真係好細粒肉呀⋯⋯唔抵食牛舌燒太耐，肉好un! 整體嚟講，餃子可以一試，串燒類就普通，性價比低，叫一兩碟食下過下口癮就可以了。