少爺18 (Closed)

年頭經朋友介紹來過一次，印象不錯！今次見到有班蘭榴槤瑞士卷，我超愛榴槤當然要再來！這次剛遇上新menu，點了香茅豬頸肉，上枱是兩大件扒，好抵食wor!仲出奇地超爽口，又有炭香，配兩個汁，我鍾酸酸地嘅汁，朋友鍾意有d辣嘅參巴蜜糖，其實兩個都好味。另外點左炭燒魷魚，又係好大份，魷魚肉厚，魷魚鬚焦焦脆脆，加左辣醬燒，好惹味！滿意！最後係專誠來吃的班蘭榴槤瑞士卷，榴槤cream又滑又香，味道不太濃，加埋夠濕潤嘅班蘭蛋糕，好食！其實呢間餐廳真係唔錯，可能同區來講唔算平，但夠大份，又坐得舒服，菜式有新意，幾適合朋友聚會。見到天使蛋糕好靚，會再回來支持的！