Video
Read full review
2019-09-10
1028 views
之前係日本都有食過熟成牛，同埋有朋友食過hEAT既覺得正，於是趁佢生日就同佢回下帶，我又趁機可以去試下好西！一出電梯就見到個放左熟成牛既雪櫃，但見到大部分既牛上面除左有處理日期之外, 仲有層白色似發毛既感覺，而呢D只係黴菌黎，係有助軟化肉質，一定會係煮之前切走既！因為係日本食個時都有見過！一入到黎既感覺好舒服，半開放式廚房外面係個Bar枱，枱與枱之間好寬鬆唔會比人有壓迫感覺，所以好適宜傾計！我同朋友每人都叫左Set dinner，共有四個main course 同每人一杯mocktails，而飲品係以個人鍾意既味道而調配出黎，所以每杯味道都好特別！先上頭盤芝士黑松露多士同生蠔，多士焗得又香又脆，加上黑松露醬係我至愛，放多塊芝士喺上面口感同味道簡直係Perfect！而生蠔就大大隻好肥美，入口Creamy海水味亦好濃，只係記得其中一隻係美國蠔，另一隻講得太快忘記左再問！之後再黎阿拉斯加蟹腳同季節性大蜆，一上枱就見到蜆肉好肥美，而且分量都有好多，入口鮮甜嫩滑又彈牙，用左忌廉香草汁去整，所以又香又濃！而阿拉斯加蟹腳係用左炭燒方法去處理，加入少少海盬，入口已經好鮮甜爽口！今晚最期待既熟成牛 P
一出電梯就見到個放左熟成牛既雪櫃，但見到大部分既牛上面除左有處理日期之外, 仲有層白色似發毛既感覺，而呢D只係黴菌黎，係有助軟化肉質，一定會係煮之前切走既！因為係日本食個時都有見過！
一入到黎既感覺好舒服，半開放式廚房外面係個Bar枱，枱與枱之間好寬鬆唔會比人有壓迫感覺，所以好適宜傾計！
我同朋友每人都叫左Set dinner，共有四個main course 同每人一杯mocktails，而飲品係以個人鍾意既味道而調配出黎，所以每杯味道都好特別！
先上頭盤芝士黑松露多士同生蠔，多士焗得又香又脆，加上黑松露醬係我至愛，放多塊芝士喺上面口感同味道簡直係Perfect！而生蠔就大大隻好肥美，入口Creamy海水味亦好濃，只係記得其中一隻係美國蠔，另一隻講得太快忘記左再問！
之後再黎阿拉斯加蟹腳同季節性大蜆，一上枱就見到蜆肉好肥美，而且分量都有好多，入口鮮甜嫩滑又彈牙，用左忌廉香草汁去整，所以又香又濃！而阿拉斯加蟹腳係用左炭燒方法去處理，加入少少海盬，入口已經好鮮甜爽口！
今晚最期待既熟成牛 Prime CAB Striploin in house Dry Aged 30 days 出場，係擺左30日既肉質，好淋身好多汁同好有牛味，旁邊有D炒雜菜做配菜好Fresh。
另外再叫左一個叫左個三文魚扒，煎得魚皮脆卜卜，魚肉亦保持到入口嫩滑。魚底嘅汁係用豌豆打成，好Fresh好適合配三文魚扒一齊食！
最後終於到甜品出場，我地又係叫晒兩個款share，分別有Chocolate Tiramisu同埋White Chocolate Panna Cotta，兩款入口都好香滑，Tiramisu 好有咖啡酒味而White Chocolate Panna Cotta唔太甜我比較鍾意！
Post
