孖寶小廚

Open Now

Now Closed

絕大部分時間都係喺到食早餐，每當七點前後嘅時間，好多趕時間返工返學嘅香港人聚集於此，食個快靚正嘅早餐，準備開始忙碌充實嘅一天。最近加咗價，但都一樣抵食，一個早餐沙爹牛肉麵跟餐肉蛋方包，沙爹味不太辣，更遠用新鮮牛肉，份量絕不兒戲，個麵係用出前一丁港人至愛，侍應姐姐會比埋調味位同麻油包比你，如果覺得有需要可以自己落。個方包中間搽咗牛油，如果覺得dry可以用餐肉蛋夾埋一齊食，一個三文治就咁誕生。除咗早餐，佢哋嘅晚餐小炒菜式都好好味，最緊要係材料充足，師傅嘅手勢絕不馬虎，各位經過呢頭可以一試。