麻市滋味館 (Closed)

自從喺梅州食過又香又膍又juicy又脆皮嘅脆皮牛腩後， 念念不忘那種甘香滋味， 喺香港有得食脆皮牛腩嘅地方我都會想去試下，麻市滋味館位於柯士甸站附近的大排檔小炒店， 大排檔格局，佢哋出品嘅脆皮牛腩係網上望落都好靚仔吓， 今晚便來一試。9：00後宵夜時段超抵，$65 一個餸，仲係任叫， 啤酒仲買一送二， 可惜而家先至19:00， 都係算吧啦， 下次再有機會過嚟宵夜飲酒作樂。多款抵食孖寶, 我地都唔執輸叫左SET。大量大排檔美食酒香鴨舌 ($48)鴨舌用酒糟浸至入味， 入口酒味香濃， 撈埋麻辣麻油汁， 即成美味的香辣佐酒小食。滋味孖寶 ~ 清蒸 沙巴龍躉一條 + 炸乳鴿一隻 ($208）炸乳鴿即炸上枱， 雖則唔係bb乳鴿， 鴿皮炸得香脆，肉質嫩滑有肉汁， 拈少許椒鹽更惹味。蒸沙巴龍躉火候控制得宜， 魚肉嫩滑，龍躉很新鮮， 完全唔腥， 蒸魚豉油鹹甜度適中。脆皮牛腩 ($128)主角出場， 薄薄一片的炸漿， 皮是很薄很脆的半肥瘦的牛腩夠香夠鬆軟， 帶點鹵水的清香，味道不錯，好食，有條全瘦的略嫌唔夠甘香， 但都夠腍，肉質也不嚡口， 若然全部用半肥瘦腩腩, 整體會更出色。甜品 ~ 香甜滑溜芒果布丁