三嚿肉 (Closed)

荃灣揾食勝地路德圍餐廳充塞咗林林總總不同local美食，幾點去都有好多選擇。 行經青山公路段嘅時候，見到一間幾型格嘅全藍新店，仲有我最愛嘅墨西哥餅同沙律卷😍入去落order嘅時候，發現店主同店員都係韓國人，要用英文溝通。 點餐之後等咗大約10分鐘，即叫即製嘅墨西哥餅就有得食喇。 墨西哥餅同沙律卷份量都幾大，料好足。十個美味！ 水牛雞翼令我尋回美國留學時嘅味道。朋友們點咗牛肉飯同芝士牛肉漢堡都讚後話，幸運嘅事係原來嗰一日佢地prepare緊新kimbap menu, 喺我地等候期間oppa店員拎咗出嚟俾我試食同問我comment,佢地解釋想要試到完美先真正放入新menu。 真心欣賞呢個作為小店嘅態度,所以立即執筆俾個comment呢間有heart小店。