為食龍 (Closed)

今日收工之後食埋晚餐先走，去左中環Soho區既為食龍，餐廳係大館附近，入口係地下，隱藏係長自動扶手電梯後面。餐廳兩層高，地下係廚房同立食區，一樓有位坐。入到餐廳，店員先俾個數字牌我，然後就自己上樓梯再由店員帶位。見到裝修以近排好hit既恐龍為主題。為食龍主打日式腐皮壽司。除左日式腐皮壽司，呢度仲有刺身，特式卷物，沙律，飯團，炸物，小食，芝士，飯及烏冬，甜品，同飲品。呢度都有酒飲。用餐時間90分鐘。由於今日較爲飽，所以叫左輕食。吞拿魚三切 $145 另加一三塊赤身好厚身，質素唔錯。和風水晶刺身沙律 $146 另加一和風水晶刺身沙律係三色海藻墊底，上面有三文魚，油甘魚，吞拿魚刺身粒撈咗大量沙律醬，再加d水晶絲同蟹籽係上面。呢款沙律味道都唔錯，好夠味。魚多過菜。黑松露帶子腐皮壽司 $38 另加一炙燒蟹膏厚燒玉子腐皮壽司 $34 另加一帶子上面同下面都加咗黑松露醬，黑松露味夠。帶子質素正常，如果厚身啲會更好。腐皮薄身，其實係似平時食嗰啲腐皮。蟹膏帶有鮮甜蟹膏味，厚燒玉子加上沙律醬，原來下底仲有一片火炙芝士。餐廳氣氛輕鬆，播放西方pop music。