今助烏冬御膳 (Closed)

黎到雅蘭中心搵晚餐食，見到呢間門面幾好，望左menu幾吸引就入左去。因為肚餓見到個個餐都好想揀，諗左陣決定要牛肉烏冬刺身天婦羅御膳，男人揀左忌廉芝士雞鍋，等左10-15分鐘就到。成個御膳好豐富，有刺身有天婦羅有個烏冬鍋，不過刺身一試個吞拿魚唔太新鮮好林，帶子三文角都係普通貨色。天婦羅方面隻蝦就大隻，不過唔夠脆好似放林咗咁。唯一出色既就係兩個烏冬鍋，烏冬好煙韌好有口感。溫泉蛋牛烏冬鍋好味，個味噌湯甜甜地味道剛好，唔想食咁重口味呢個烏冬鍋就啱。男人個忌廉芝士湯望落好似好濃好膩咁，點知一試，個雞燒到好香，夾埋個忌廉湯一Ｄ都唔膩仲好夾。