今助日本料理 (Closed)

聖誕節一早就比阿媽拉左入荃灣. 到Lunch time都唔知食咩好. 係愉景新城逛黎逛去. 最後行到尾就決定黎今助. 好彩兩個人好快就有位, 唔駛企好耐. 係等位時間立馬望下有咩食先. 由於今日係龍曆十五, 阿媽居然話食素... 所以佢叫左個腐皮烏冬.. (無影相)一黎到阿媽就話"個碗要唔要咁大", 不過到食完個下佢話"點解好似食極都唔完". 所以份量係ok的. 而且烏冬好彈牙, 阿媽話應該係手打, 因為每條烏冬都唔同闊度. 重有佢話個湯底好濃. 但係食完後有少少口渴.而我就要左個昆布烏冬壽司定食. 除左有壽司, 烏冬, 重有個蒸蛋.烏冬同樣好大碗. 雖然個昆布一pat咁, 撈埋入碗烏冬都唔知自己食唔食到. 但因為湯底好濃, 所以烏冬唔會無味. 學阿媽話齋真係幾彈牙. 望下又真係每條都唔同size. 個set有飯卷四粒同三粒壽司. 飯卷細細粒, 一口就食完. 而且好似每款都唔同味, 但我講唔出有咩至於個壽司就有饅魚, 三文魚同埋我最愛的凡立貝. 都好ok. 至少夠飽.最後就食個蒸蛋.食落去第一啖係好濃味, 什至覺得有點咸. 不過材料有雞肉同蝦. 如果唔好咁重味就更好. 值得一讚係服務唔