天下茶屋 (福榮街)

Open Now

Now Closed

早排同同事去食lunch，去左一間公司附近新開嘅日式餐廳。呢間餐廳主打食烏冬、咖哩飯同日式蓋飯，烏冬更可以自由配搭唔同嘅湯底～我同同事就order左豚肉溫泉蛋蓋飯同咖哩湯底燒蝦烏冬～蓋飯嘅豚肉切得好薄身，所以食落唔會太韌，醬汁甜甜地幾惹味，加埋溫泉蛋、紫菜同木魚碎一齊食味道更香！烏冬嘅味道都相當唔錯，咖哩湯底帶微辣，偏甜，唔會太濃稠，食落唔會好膩；蝦肉爽甜，燒得幾香；烏冬煙韌有咬口！其實除左咖哩湯底，仲有明太子、黑松露同普通和風清湯，任君選擇～呢間餐廳嘅食物質素唔錯，而且價錢都幾大眾化，所以系食lunch嘅好地方～！