北海拉麵屋 (Closed)

今晚同屋企人出去食餐飯跟住去維園買花，爸爸平時只係食中餐，但帶過佢落黎SOGO 的北海拉麵食過，佢又鍾意喎，所以我地除左中餐外，又多個選擇。我點左糖心蛋竹輪湯烏東 ，湯底係木魚湯，有大量的粟米同海帶，雞蛋當然係用日本蛋，蛋黃味道濃郁。整體味道滿意。唯獨是waitress 態度扣分，我地食完時，佢將隔離枱用過的拉麵湯碗同筷子放喺我地枱上面，放正我媽咪的面前，跟住一次過再執，相信無乜食客鍾意見到人地食剩的食物出現喺自己面前。